Accessibility links

Breaking News

قصّة وصورة... إعاقتي صارت مصدر قوتي


آية القيسي/إرفع صوتك

كتابة وتصوير - أسعد زلزلي:

اسمي آية القيسي. عمري 18 سنة. من جنت بعمر ست سنوات عام 2005 قبل ما أدخل لصف الأول الابتدائي انصابيت بمرض نخر بنخاع العظم واضطروا أهلي يسفروني لعمان حتى أبتر ساقي اليمنى واستعملت طرف صناعي ولبست الحجاب لأن كل شعري سقط بسبب الكيماوي إلي أخذت أكثر من 20 جرعة منّه.

آية القيسي/إرفع صوتك
آية القيسي/إرفع صوتك

من كبرت وصرت أفتهم وأوعى ووصلت للمتوسطة بديت أصبح ضعيفة من أشوف نظرات الناس وإشاراتهم وحجيهم اتجاهي.

وبديت أنعزل. لكن فكرت أن أحول ضعفي لقوة أواجه بيها العالم وافتخر بإعاقتي لما وصلت للإعدادية.

وبديت أشارك بهواي فعاليات ومؤتمرات ونشاطات لحد ما صرت ناشطة مدنية أدافع عن حقوق الناس اللي مثلي وأجعلهم يفتخرون بإعاقتهم.

يمكن أكون مو كاملة جسد بس أيضا ماكو أحد كامل.

إعاقتي صارت مصدر قوتي وانتو أيضا ممكن تتجاوزون ضعفكم وتكونون أقوى. آني واللي مثلي نمثل مصدر أمل اليوم مو بس لذوي الإعاقة لا بل حتى للأصحاء.

يمكنكم التواصل معنا وإرسال الفيديوهات والصور لموقعنا عبر تطبيق “واتساب” على الرقم 0012022773659

آراؤكم

إظهار التعليقات

XS
SM
MD
LG