Accessibility links

Breaking News

قصّة وصورة.. العراق ما ينعاف


سارة بولس/إرفع صوتك

كتابة وتصوير - أسعد الزلزلي:

اسمي سارة بولس متي. عمري 53 سنة.

جاية أشتري من سوق القلعة مواد غذائية لأن قريب على سكني بأربيل. نزحت من برطلة قبل ثلاث سنوات، آني وكل المسيحيين اللي ببرطلة وقرقوش والحمدانية. وهسة ساكنة بغرفة بنيشتمان، أهل الخير يدفعون أجارها.

وبيتي ببرطلة مفلش وحتى بيبانه قصوها وسرقوها.

عندي ولد وثلاث بنات وحدة منهن معوقة اسمها راما ووحدة طالبة بالمدرسة.

آني ما مفكرة أهاجر وأدعو كل أبناء الطائفة المسيحية يبقون بالعراق. هذا بلدنا وبلد أجدادنا والغربة صعبة مثل ما جربها من هاجر. كل ما أشوف أحد يهاجر أحزن.

ومهما صار ببلدنا نتحمله وأريد أكول لكل اللي هاجروا: العراق ما ينعاف.

هو أكو أحسن من العراق؟

يمكنكم التواصل معنا وإرسال الفيديوهات والصور لموقعنا عبر تطبيق “واتساب” على الرقم 0012022773659

XS
SM
MD
LG