Accessibility links

قصة وصورة.. رب العالمين أخذ مني البصر بس انطاني قلب


البصير نوري (أبو صباح)/إرفع صوتك

بغداد - ضحى هاشم:

اسمي نوري (أبو صباح).

عمري 90 سنة. آني بالأصل من كردستان من السليمانية. إجيت لبغداد في عهد الملكية. كنت بذاك الوقت جندي بمعسكر الوشاش. بعدها استقريت بغداد.

حاليا أسكن وحدي بغرفة مستأجرها بالحيدر خانة.

بالثمانينات فقدت بصري وصرت أشغل بيع السبح والمحابس الفضة.

عندي هواي ناس تعرفني وتجي تشتري مني (معاميل). صح مرات أكو ناس تريد تستغل فقدي للبصر وتحاول تبيعلي أحجار مغشوشة على أنها حقيقية، بس آني رب العالمين أخذ مني البصر بس انطاني قلب أحس بي.

هواي ناس عدها بصر بس ميتة قلوبها.. آني الله أخذ مني نظري وانطاني قناعة وهي أهم شيء.

يمكنكم التواصل معنا وإرسال الفيديوهات والصور لموقعنا عبر تطبيق “واتساب” على الرقم 0012022773659

آراؤكم

إظهار التعليقات

XS
SM
MD
LG