Accessibility links

قصىة وصورة... من هو سامور الهندي في بغداد؟


سامور الهندي في بغداد/إرفع صوتك

بغداد - أسعد الزلزلي:

من سنين تشوفني الناس ألبس الزي الهندي وانشهرت بي بينهم وانعرفت باسم سامور الهندي.

لكن بالأصل آني اسمي عبد الرحيم محمد باقر، وعمري 68 سنة. مهنتي مقدم ألعاب سحرية.

ومحد يعرف ليش ألبس هالزي؟ ألبسه لأن (مغنية الحي لا تطرب) ففكرت أجذب الناس لألعابي السحرية بهالزي الهندي.

ومن دخلت داعش بديت ألبس زي الجيش والحشد وصاروا يطلقون علية (قاهر الدواعش) والسبب اني قمت أعمل ألعاب أحرق بيها علم داعش ليتحول لعلم عراقي وألقي الشعر ضد داعش.

ولهذا السبب قام داعش بالفلوجة من كانت محتلة حطوا مكافأة على راسي مليونين دينار. وبالأخير اني أطلب من الناس يتوحدون ويتركون الطائفية وأكلهم داعش راح تزول وإذا انزالت بعد ما ألبس زي الجيش والحشد وأهديلهم هالشعر:

إذا مو كلنا نوكف ... إيد تشبك إيد

وتجمعنا الأخوة ... ولكمة العيش

نسحك عالدواعش.. ولد الأنجاس

العراق الينتصر .. حجي مو طاش

يمكنكم التواصل معنا وإرسال الفيديوهات والصور لموقعنا عبر تطبيق “واتساب” على الرقم 0012022773659

آراءكم

إظهار التعليقات

XS
SM
MD
LG