Accessibility links

قصة وصورة.. راجعين للنص التابع للحكومة


النازح الشبكي علي إدريس/إرفع صوتك

بغداد - أسعد الزلزلي:

اسمي علي إدريس. عمري 36 سنة. شبكي نازح من سهل نينوى. عندي خمسة أطفال وزوجة. وحاليا أسكن بمجمع نبي الله يونس اللي تشوفوه خلفي.

آني واغلب سكان المجمع هالأيام مقررين نرجع للسهل، بالأمس رجعوا 85 عائلة وآني والبقية منتظرين تخلص امتحانات أولادنا حتى نرجع. أكو البعض راح يتأخر لأن سهل نينوى صار بي ساتر قسمه نصفين: نص تابع لإقليم كردستان، ونص للحكومة واللي تابع للإقليم بي صعوبة ومديكدرون يرجعون.

وبالنسبة إلي راجع بعد أيام؛ لأن بيتي بنصف السهل إلي تابع للحكومة والحمد لله لكيت بيتي بس مسروق، لا محترق ولا مهدم.

بالنسبة النه كنازحين بهالمجتمع ما نوجه غير نداء للحكومة بتوفير وسائل نقل نرجع بيها لأن النقل والسيارات للموصل تحتاج فلوس واحنه ما عدنه.

وبالنهاية أودعكم وأودع هالمجمع اللي مثّل مرحلة مهمة بحياتي وحياة عائلتي مراح نكدر ننساها للأبد ...في أمان الله.

يمكنكم التواصل معنا وإرسال الفيديوهات والصور لموقعنا عبر تطبيق “واتساب” على الرقم 0012022773659

آراءكم

إظهار التعليقات

XS
SM
MD
LG