Accessibility links

Breaking News

قصة وصورة... اللي يريد شيء يوصل إله


أزهار العزاوي وقصة كفاح وتحقيق حلم/إرفع صوتك

بغداد - ضحى هاشم:

اسمي أزهار العزاوي، قصتي قصة كفاح وتحقيق حلم. حياتي تغيرت بالثالث متوسط من تركت المدرسة. كان حصار والحياة صعبة. والدي متقاعد وطبعا الحالة المادية متساعد لمتطلبات البنات. كان حلمي من الثالث ابتدائي أصير خياطة. كنت أجلس على الرحلة بالفرصة وأبقى أتخيل نفسي أخيط وأحرك أيدي ورجلي على أساس عندي مكينة، بس بعد تركي للمدرسة بديت خطواتي بتعلم الخياطة.

بديت أخيط دبب وعلب المكياج وسلات الورد وأبيعهم للجيران والأقارب وشوية شوية بديت أي قماش قديم ومنحتاجه أفصله ووالدتي تساعدني لأن تعرف قليل خياطة.

ظليت بهاي الطريقة إلى أن تعلمت وصرت مسؤولة عن نفسي وعائلتي بكل احتياجاتهم.

الحمد لله صارلي 13 سنة أخيط محتاجيت لأحد أبد.

اللي يريد شيء يوصل إله لكن يحتاج يكافح ويتعب شوية بس بعدين يرتاح، وألاهم البنية متحتاج لأحد.

حاليا أعمل مع الفرق التطوعية لمساعدة المحتاجين وتقديم العون الهم، وهدفي القادم هو أن أكمل دراستي.

يمكنكم التواصل معنا وإرسال الفيديوهات والصور لموقعنا عبر تطبيق “واتساب” على الرقم 0012022773659

آراؤكم

إظهار التعليقات

XS
SM
MD
LG