Accessibility links

قصة وصورة.. كان والدي دائما يكولي ما تصلح لأي شي!


اسمي علي مجبل. كان والدي دائما يكولي ما تصلح لأي شي/إرفع صوتك

بغداد - أيمن العامري:

اسمي علي مجبل.

كان والدي دائما يكولي ما تصلح لأي شي وإنت مو مال شغل وبأي مكان تشتغل بي ما تكمّل صح وتتركه من البداية.

هذا الكلام كنت أسمعه بشكل متكرر من والدي وبده يأثر بيه.

و قلت لازم أغير وجة النظرة هذي وأشتغل بمكان صح وأنجح بي.

بديت أشتغل عامل في مطعم و قلت لوالدي بديت بهذا الشغل وراح تشوفني شكد راح أنجح بي، وأيضا ما اقتنع بكلامي.

اشتغلت وركزت بالشغل وتعبت حيل، وظليت على هذا المنوال رغم المشاكل اللي تصير والوضع الأمني للبلد وباقي الظروف. المطعم بي كاميرات والإدارة تشوف منو اللي يشتغل صح وبضمير واللي محلل خبزتة عن اللي يشتغل عكس.

المدير خله ثقتة بيه وبديت اترفع بمكان شغلي لوظيفة افضل من القبلها.

الناس التترد على المطعم صارت تعرفني و تطلبني بالاسم لأخذ طلباتهم وشنو يحتاجون.

بقيت بنفس الأسلوب الحسن والتعامل الجيد مع الكل من أصغر عامل في المطعم إلى أكبر زبون يجي، و دائما جنت أكول الزبون هو الصح مهما يكون الموضوع ولازم الزبون يكون راضي و مرتاح بأي ثمن و طريقة مناسبة.

الحمد لله، بعد كل هذا التعب والصبر صرت واحد من أهم العاملين في هذا المطعم بهذا الفرع وباقي فروعه في بغداد، وأصحبت الآن مدير صالة.

و هواي فرحت بهذا النجاح لكن فرحت أكثر لما رجعت لوالدي وكلته: يابه آني صرت مدير صالة بمطعم مهم ومشهور ببغداد.

ما صدكني لحد ما شاف بعينه وفرح. كان هذا بالنسبة إلي أفضل نجاح.

حاليا أشتغل مدير صالة في سلسلة مطاعم سكوزي في بغداد.

يمكنكم التواصل معنا وإرسال الفيديوهات والصور لموقعنا عبر تطبيق “واتساب” على الرقم 001202277365

XS
SM
MD
LG