Accessibility links

قصة وصورة: مشكلتي ولا واحد يحلها


سنين العمر تمشي وأني حاير/إرفع صوتك

بابل- أحمد الحسناوي:

اسمي ميثاق كريم حسون من ناحية الجمجمة في بابل. خريج معهد فني، قسم ميكانيك، مواليد 1974، بعد ما تخرجت، خدمت عسكرية، تعينت بأجر يومي عام 2006 في مديرية ماء بابل، صار لي 11 سنة وأني أجير يومي بمبلغ 17 ألف دينار ولحد الآن.

مشكلتي ولا واحد كدر يحله لحد الآن، سنين العمر تمشي وأني حاير بالكتب الرسمية والخطابات من دائرة لدائرة، ومن المحافظة للوزارة، وبس وعود وما كو أي نتيجة .

الروتين الحكومي موتني، أكثر من خمس مرات يجي اسمي غلط، ومعاملتي بيها أخطاء، مع العلم كل شيء عندي تمام.

بس العرف والواسطات واللي عنده علاقة بحزب شغلته أوكي، ويتعين ملاك دائمي، إلا أني ليش، ما أدري؟ إلا الله تعالى، وعيني عليه، بلكي يفتح باب الفرج لي وأتحول من محنة الأجر اليومي.

يمكنكم التواصل معنا وإرسال الفيديوهات والصور لموقعنا عبر تطبيق “واتساب” على الرقم 0012022773659​

XS
SM
MD
LG