Accessibility links

الموصل - منهل الكلاك:

يتحدث نايف أحمد محمد لموقع (إرفع صوتك):

احنا من سكان القرى القريبة من سد الموصل وعددها 28 قرية. هجرونا الدواعش وسرقوا ونهبوا مالنا وحلالنا في 2014. صارلنا نازحين قرابة ثلاث سنوات. حاليا الحياة بمخيم حسن شام تشبه السجن ولو أكو منظمات تساعد النازحين لكن أعدادنا الكثيرة تصعب عليهم استيعاب الكل.

أخذت رخصة من إدارة المخيم حتى أروح أشوف بيتي بالقرية بعد ما تحررت الموصل بالكامل ويا ريت ما رحت ولا شفت الحال. وين ما تلتفت دمار وخراب وأنقاض.

شتشوف بقايا بيوت اللي فجرها داعش واللي تضررت بالعمليات العسكرية وأنا عفت مالي وحلالي بالبيت من طلعونا وما عندي هسه غير رحمة رب العالمين والحمد لله. عدنا مكان بالمخيم نرجع نعيش بيه وننتظر بلكي الحكومة تعمر قرانا أو تعوض المتضررين حتى نقدر نرجع وتنتهي مأساتنا بالنزوح. وهذا حالي يشبه حال آلاف الناس من الي كانوا الدواعش مسيطرين على مناطقهم.

يمكنكم التواصل معنا وإرسال الفيديوهات والصور لموقعنا عبر تطبيق “واتساب” على الرقم 0012022773659

آراءكم

إظهار التعليقات

XS
SM
MD
LG