Accessibility links

قصة وصورة: عمري ما شايف مدرسة


أحلم أتعلم، ويصير عدنا بيت ملك، وأحلم عندي سيارة وأحلم إهواي أشياء/إرفع صوتك

بابل- أحمد الحسناوي:

اسمي محمد رياض ناظم السيلاوي، مواليد 2000، يعني عمري 17 سنة، من سكنة منطقة بني سالة ببابل، طبعاً عمري ما شايف مدرسة، وما أعرف الكتابة والقراءة، لأن من صغري وعيت مع جدي، أفتر وياه أبخر حرمل، صار لي سبع سنوات أشتغل بهاي الشغلة.

أطلع من الصبح، ما أرجع للبيت إلا بالليل، أحصل 20 ألف، يومية، وهذا المبلغ أقسمه بين مصرف لأهلي، وبين إيجار بيتنه، والدي متوفي، ومسؤول عن أمي وأخوتي الصغار.

أحلم أتعلم، ويصير عدنا بيت ملك، وأحلم عندي سيارة وأحلم إهواي أشياء.

يمكنكم التواصل معنا وإرسال الفيديوهات والصور لموقعنا عبر تطبيق “واتساب” على الرقم 0012022773659

آراءكم

إظهار التعليقات

XS
SM
MD
LG