Accessibility links

شابة مصرية طموحة تشارك تجربتها مع إرفع صوتك


الصورة مرسلة من أميرة

مشاركة من صديقة (إرفع صوتك) أميرة فاضل:

أميرة فاضل شابة مصرية طموحة شاركت تجربتها مع (إرفع صوتك) عبر صفحة فيسبوك وننقل هنا رسالتها:

عن صفحة أميرة في فيسبوك
عن صفحة أميرة في فيسبوك

اسمي أميرة فاضل من مصر. عمري 27 عاما وأعمل مزينة لقوالب الحلوى (كيك ديكوريتور). درست تجارة خارجية وتخرجت سنة 2011. حبيت اشتغل الحاجة اللى بحبها لأنى بحب الرسم والديكور والتزيين وبعشق الشوكولاته.

كانت موهبة عندى إنى أعمل حلويات من زمان. أهلى شجعوني وسافرت ألمانيا وهناك تعلمت أصول الكيك وتزيين الكيكات واشتغلت وعملت مشروعي الخاص من البيت واخترت له اسم (Sweet & Sugar) وبشتغل من بيتي بقالي 3 سنين.

عن صفحة أميرة في فيسبوك
عن صفحة أميرة في فيسبوك

قدرت انجح واعمل اسم في مجالي ومن أشهر وأكتر الحاجات اللى اشتهرت بيها الكب كيك لأنى اول حد دخلت فكرة الكب كيك في مدينة المحلة الكبرى. وتميز الكب كايك بطعمه المميز وأشكاله الجديدة والمختلفة وكمان التورتات المجسمة بأشكالها المختلفة للأفراح وتورتات أطفال المجسمة بالأشكال الكرتونية والتارتات والتشيز كيك بأنواعها.

عن صفحة أميرة في فيسبوك
عن صفحة أميرة في فيسبوك

وعملت مزج بين الحلويات الشرقية والغربية وعمل أنواع فريدة ومميزة لحلوى رمضان الماضي.

وتعرفت على ناس كتير خلال فترة شغلى.

أصحاب الفضل فى اللى انا وصلتله في سني الصغير ده هما بابا وماما واخواتى. هما دايما اللى بيشجعوني وبيساعدوني. أهم طموحاتى أنه يبقى ليا برنامج خاص في التلفزيون اقدر اعلم الناس فيه ازاى يعملوا حلويات وانه يبقى عندى Store للكب كيك. ودي أول خطوة اتحققت وقريب هفتح أول فرع ليا خلال شهر.

يمكنكم التواصل معنا وإرسال الفيديوهات والصور لموقعنا عبر تطبيق “واتساب” على الرقم 0012022773659

آراءكم

إظهار التعليقات

XS
SM
MD
LG