Accessibility links

قصة وصورة.. الطموح والأحلام مو صعبة المنال لكن!


علي عامر المكدام من بغداد/إرفع صوتك

بغداد - ضحى هاشم:

آني علي عامر المكدام من بغداد وعمري 19 سنة. بديت النشاط التطوعي من عمر 12 سنة. دخلت بكثير من المجالات: اجتماعية، ثقافية، وإنسانية. بصراحة آني من النوع اللي (يتخشخش بين الكبار)، أسمع وأتعلم منهم اللي استفاد منه بحياتي وبالطريق اللي اخترته.

شيئا فشيئا دخلت مجال الإعلام وتعلمت بدورات بسيطة ومحلية، وبعدها تطورت بالرغم من صغر سني، ومن عمر 17 سنة، أي مع انطلاق تظاهرات بغداد في 31 تموز (يوليو) 2015، تعلمت الكثير وبنفس الوقت صار عندي أعداء. بصراحة ساحة التحرير إلها فضل كبير بجعلي على ما أنا عليه الآن.

لاحظوا أكثر من مرة ذكرت جملة رغم صغر سني، القصد من هذا الأمر هو ليس مقياس للإنسان قد يكون كبير العمر ذو عقل حكيم. أنا أحلم وأسعى لتحقيق الحلم وهذا سبب من أسباب نجاحي، وما أنكر فضل أحد أو درس تعلمته من شخص معين.

كثير أمور صادفتني وتعرضت لكثير من المخاطر بسبب الاحتياجات وبسبب نشاطي لكن هذا أبد ما منعني وخلاني أتوقف بيوم على العكس يزيدني إصرار وعزيمة للتقدم. عمري 19 سنة وأطمح أن أكون مقدم برامج سياسية متميز ومعروف بالمجتمع.

الطموح والأحلام مو صعبة المنال لكن بجهد منك ودفعة أمل تخليك تؤمن بأنك ستحقق ما تريد ذات يوم.

يمكنكم التواصل معنا وإرسال الفيديوهات والصور لموقعنا عبر تطبيق “واتساب” على الرقم 0012022773659

آراءكم

إظهار التعليقات

XS
SM
MD
LG