Accessibility links

قصة وصورة.. نطلب منكم شي واحد بس


الشاب ناصر وهو موظف نظافة في بغداد/إرفع صوتك

بغداد - أيمن العامري:

اسمي ناصر من سكان بغداد. شغلي هو عامل نظافة في بلدية المنصور.

احنه الناس الفقراء هواي تمر بينا ظروف صعبة ورغم كل هذا نقول: الحمد لله. ونتمنى يكون الجاي أحسن.

صارلي أشتغل عامل نظافة فترة طويلة وأبد ما كلت آخ وما اهتميت للتعب وبقيت أخدم المدينة بكل إيمان وإخلاص ويه أصدقائي العاملين.

لكن آني وأصدقائي نتمنى ونطلب من أهلنا المواطنين يتعاونون ويانة، ونريد منهم شي واحد: يرمون النفايات بالمكان المخصص إلها. هذي هي الطريقة الصحيحة وراح تساعدنا بالعمل. ورمي كل الحاجات غير المرغوب بيها بنص الشارع وبأي مكان كنت تمشي بيه هذا يخلينا نتعب فوق طاقتنا ويأذينا حيل.

احنه شغلنا صبح وليل وطول الأسبوع، وحرامات يضيع كل هذا التعب والجهد ببلاش بسبب عدم النفايات بمكانها المخصص.

يمكنكم التواصل معنا وإرسال الفيديوهات والصور لموقعنا عبر تطبيق “واتساب” على الرقم 0012022773659

XS
SM
MD
LG