Accessibility links

قصة وصورة.. احنة الفقراء عجزنا من المناشدة


عبود عبيس

بغداد – أسعد الزلزلي:

آني عبود عبيس. عمري ٦٧ سنة وهاي حكايتي وية عمري وميزان آخر أيامه.

من أراجع عمري اللي كان، قضيته بس مرض وفقر وحاجة. وهسه عندي انزلاق وسكر وسوفان ومثل متشوفني اتعوقت وعالعكازة أمشي، ومقابلي هالميزان اللي اعيش عليه آني وعائلتي الخمس نفرات.

شاهد أيضاً:

قصة وصورة.. أريد مرجوحة جديدة

قبل جنت أعمل بس هسه ما أكدر أمشي وما بقى عندي حيل، فحطيت هالميزان الي بالكوة موفرلي حك الخبزة . تكدر تكول عاييشين بالموت وماريد أطالب ولا أناشد لأن هي مليوصة ويوم أتعس من يوم.

واحنة الفقراء عجزنا من المناشدة، فالي ما سمعنا قبل قابل حيسمعنا هسة. وآني وزوجتي المريضة مكظيها ضيم بضيم ولا يؤلم الجرح إلا من به ألم.

يمكنكم التواصل معنا وإرسال الفيديوهات والصور لموقعنا عبر تطبيق “واتساب” على الرقم 0012022773659

XS
SM
MD
LG