Accessibility links

قصة وصورة.. لحد ما اجه اليوم اللي تحقق بي الحلم


علي محمد

بغداد – أسامة محمد:

آني علي محمد مواليد عام 1997. تركت الدراسة من جنت بالثاني متوسط بسبب الظروف. اشتغلت أكثر من شغلة من وعيت عالدنيا بعيدة جدا عن طموحي بس حتى أوصل لحلمي وأحققه.

شاهد أيضاً:

قصة وصورة.. أتمنى أن تهتم الجهات الحكومية بالشباب

كلنه من جنة صغار يسألونا شنريد نصير من نكبر. جانو الكل يكولون مهندس، طيار، طبيب، الخ. بس آني جنت غريب أكلهم آني أريد أصير ممثل، يكومون يضحكون، لحد ما اجه اليوم اللي تحقق بي الحلم واجتني الفرصة أنو أشارك بعمل مسرحي.

شاركت بأكثر من عمل (الواقع والحلم) إخراج مخلد راسم على منتدى المسرح ومسرحية (وجهي ليس في المرآة) على المسرح الوطني ومسرحيه (الكرادة) على المسرح الوطني وغيرها من الأعمال.

وما زلت أتعلم التمثيل. وإن شاء الله أحاول أطور من نفسي وما أعوف حلمي رغم المعوقات وعدم تقبل المجتمع والأهل لهذا الشي.

يمكنكم التواصل معنا وإرسال الفيديوهات والصور لموقعنا عبر تطبيق “واتساب” على الرقم 0012022773659

XS
SM
MD
LG