Accessibility links

قصة وصورة.. ضربوني وفجروا بيتي وقتلوا ابني بس ما أتغير


داوود الجواري

بغداد – أسعد زلزلي:

آني داوود الجواري.

شفت كل أنواع الإرهاب، وتعرضت له آني وعائلتي. حكايتي مع الارهاب طويلة من أيام القاعدة. ضربوني خمس طلقات وكسروا حوضي وخطفوا ابني عمره ١٧سنة ولكيته بعد ثلاثة أيام بثلاجة الطب العدلي وفجروا بيتي.

شاهد أيضاً:

قصة وصورة.. هذا حلم حياتي

بس كل هذا ماغ غير من نظرتي للآخر. وبالعكس صرت ناشط وأشارك بكل التظاهرات اللي تصير بساحة التحرير رغم عوقي. بس ما حسيت بنكهة مثل ما حسيت وآني أستقبل أهل الموصل من اجوي لساحة التحرير، لأن أعرف أنه همة تعرضوا للي شفته من ظلم الإرهاب، وأحس بمعاناتهم. وآني وهمة ولد بلد واحد، وأتمنى أن الكل يفهم هالشي. محد مع الإرهاب وهالناس أكثر من تعذب منه، فأتمنى ما أسمع كلمة مثل أن أهل الموصل جانوا مرتاحين بوجود داعش لأن اليفكر بطائفية هو مريض ولازم يتعالج.

يمكنكم التواصل معنا وإرسال الفيديوهات والصور لموقعنا عبر تطبيق “واتساب” على الرقم 0012022773659

XS
SM
MD
LG