أجري القليل لا يمنعني من انتاج خبز جيد

اسمي مصطفى حسن علي، مواليد 1996، متزوج. من سكنة "حي الأكرمين" بالحلة – مركز محافظة بابل.

أعمل في فرن لبيع الصمون، وهو عمل له قواعد وضوابط، مثلا التقيد بمادة الطحين الجيد، وعيار العجينة الواحدة، ولازم نلتزم بعيار العجينة وعدالتها، لأن الإخلاص أساس النجاح، وأني قانع بالعمل، أجري يوميا لا يتجاوز عشرة آلاف دينار (8 دولارات).

بالفرن عدنا عدالة من خلال عملنا، لكن من نطلع ونشوف واقع حالنا بالمجتمع، ما كو عدالة، وأقصد بالعدالة بالنسبة لنا الشباب، ما كو فرص عمل من قبل الحكومة، اللي أساسا ما تفكر بينا.

قدمت على تعيين أكثر من مرة، بس بدون فائدة، وعود بلا فعل، وحبر على ورق فقط.

نتمنى تتحقق العدالة الاجتماعية، من خلال القوانين والتشريعات اللي تخدم شرائح كثيرة من المجتمع العراقي، خاصة الشرائح المتوسطة والفقيرة.

بابل ـ أحمد الحسناوي​