Accessibility links

Breaking News

"أريد حقيبة وكتب وأقلام ملونة"... وأمنيات أخرى للنازحين


أطفال نازحون في مخيم حسن شام شرق الموصل/إرفع صوتك

أربيل- إعداد متين أمين:

أريد ملابس لأن الجو بارد جدا هنا في المخيم.

(شاكر محمود. مخيم حسن شام. خمس سنوات)

أريد فستانا وحذاء.

(مروة معروف. مخيم حسن شام 2. ست سنوات)

أريد أرجع لبيتنا مرة أخرى حتى نرجع ونعيش بسلام.

(جنات حميد. مخيم الخازر. تسع سنوات)

نريد فلوس حتى نشتري ملابس وما نتبهذل بالمطر.

(إبراهيم عزيز أحمد. مخيم حسن شام. ست سنوات)

أريد طوبة وألعاب هواية (الكثير من الألعاب).

(حسام محمد. مخيم الخازر. أربع سنوات)

أريد طوبة وبوط (حذاء) وجواريب وملابس ميسي.

(محمود علي. مخيم حسن شام. 10 سنوات)

أريد أهلي الموجودين في الموصل أن يطمئنوا أننا بخير ولا يظل بالهم علينا.

(ختام. مخيم حسن شام. سبع سنوات)

أريد فلوس حتى أشتري مواد غذائية للبيت، وأريد لعابة باربي حتى ألعب بيها ويا أختي.

(ريهام. مخيم حسن شام. خمس سنوات)

أريد يرجع أبوي من الموصل ويعيش ويانا بالبيت. أني مشتاقة لأبويا.

(رحاب. مخيم حسن شام. خمس سنوات)

أريد طيارة كونترول ودبابة حتى أقصف الدواعش وأحرر الموصل.

(حسن محمود. مخيم حسن شام. أربع سنوات)

أريد حقيبة وكتب وأقلام ملونة حتى أرجع لمدرستي وألعب ويا صديقاتي.

(أسماء عثمان. مخيم الخازر. 10 سنوات)

أريد كيك وحلويات هواية وفلوس لأبويا حتى يشتريلنا ألعاب.

(قيس عمر. مخيم الخازر. ثماني سنوات)

أريد كهرباء وتلفزيون حتى نشوف توم وجيري، من زمان ما شايفين كارتون.

(لمى فلاح. مخيم الخازر. سبع سنوات)

أريد كباب! أني أحب الكباب وأريد بايسكل... أحب ألعب بالبايسكل.

(يوسف بكر. مخيم الخازر. ستّ سنوات)

لا أريد أي شيء سوى أن تتوقف الحرب. نريد نرجع لبيتنا ونلعب أني وصديقاتي.

(شيماء خالد. مخيم حسن شام 2. 12 سنة)

أريد بيت دافي وماكو بي برد وناكل لحم ودجاج ونشوف كارتون.

(سامي محمد. مخيم حسن شام. ثماني سنوات)

أريد أصير مهندس وأبني الموصل وأبني بيتنا الذي دمره داعش.

(ثائر رحيم. مخيم الخازر. تسع سنوات)

أريد أشوف أمي وأخوية بالموصل أني مشتاقتلهم اهواية. صرلي شهرين ما شايفتهم عفية لا تنسانا.

(سمية أحمد. مخيم حسن شام. ثماني سنوات)

نريد نفط وبطانية الخيمة باردة بالليل... النفط ما يكفينا. وأريد ملابس جديدة وبوط يدفي رجلي.

(تارا كامل. مخيم حسن شام 2. سبع سنوات)

أريد دواء لأمي كلش مريضة. أريدها تصير زينه وتشفى من المرض.

(جنة حامد. مخيم حسن شام. ثماني سنوات)

أتمنى يكون عندنا بيت بي حمام وحنفية مي. وأمي بعد ما تجيب مي بالسطل لأن الجو بار وأني أخاف عليها تتمرض.

(سليمان مروان. مخيم حسن شام. تسع سنوات)

يمكنكم التواصل معنا وإرسال الفيديوهات والصور لموقعنا عبر تطبيق “واتساب” على الرقم 0012022773659

التعليقات

XS
SM
MD
LG