سجلت على الرعاية الاجتماعية، لكن ما طلع اسمي، فقط الوساطات والمعارف، نطلب من الدولة تخلي عينها علينا إحنا الناس التعبانة..
اسمي علاء حسين عبد الزهرة، مواليد 1979، ومن سكنة منطقة طفيل، متزوج، أبيع الملابس الداخلية الرجالية، بجوار السوق العصري بالحلة.
ما عندي إمكانية استأجر محل لأن بصراحة الإيجارات غالية، والسوق تعبان جدا، ففضلت أبيع على الرصيف. أجي كل يوم ساعة 7 الصبح لحد 5 العصر، أحصّل يومياً من 10 إلى 15 ألف دينار.
صح المبلغ قليل، بس وين أروح، ما عندي مصدر رزق ثاني، بيتي إيجار، والحمل جبير، والعمل شرف وعبادة.
سجلت على الرعاية الاجتماعية، لكن ما طلع اسمي، فقط الوساطات والمعارف، نطلب من الدولة تخلي عينها علينا إحنا الناس التعبانة، لأن رعاية الدولة مهمة، وضروري يصير لنا قانون تأمين اجتماعي، لأن القانون بصراحة يخدمنه ويخدم الشرائح العراقية الفقيرة.
بابل ـ أحمد الحسناوي
