للأسف بهالبلد ماكو احترام للشهادات العليا ولا للدراسة أكو احترام بس للواسطة والعرف والأحزاب...
اسمي أحمد سعدون جوحي، عمري 35 سنة، عندي ماجستير زراعة جامعة بغداد قسم الإرشاد الزراعي بامتياز.
تخرجت عام 2007 من الجامعة وكنت الثاني على كليتي ومن ذاك اليوم كل يوم يعدي اكول راح تتعدل، لا الدولة اهتمت بيا ولا أحد قدر شهادتي وساعدني. وهسى آني سايق ستوتة وشهادتي ضامهة ببيتي وأتحسر عليها بعد ما تعبت.
حاليا آني ساكن ببيت إيجار ومتزوج وعندي طفلين. وقبل فترة طلبوا مني فلوس حتى أتعين وهم ما نفع الموضوع. ما أعرف على شنو تعبت ودرست دراسات عليا وحصلت عالماجستير حتى بالأخير أصير سايق ستوتة!
للأسف بهالبلد ماكو احترام للشهادات العليا ولا للدراسة أكو احترام بس للواسطة والعرف والأحزاب .
بغداد – أسعد زلزلي
