رحت وشاركت بصوتي لأجل أن أشوف الفرحة ترجع لعيون النازح والفقير..
اسمي عباس السعدي، ناشط مدني وعمري ٢٣ سنة. كظيت سنين من عمري أساعد النازحين وأشوف الجهل والإرهاب وين وصلنة وشسوى بمدننا.
من أجة يوم الانتخابات كلت لازم أغير وما أخلي هالصور والمعاناة تتكرر، وملكيت أفضل من صوتي حتى أغير واقعنا.
جنت أتمنى اللي قاطعوا يكونون معي ونكون كثرة تغلب فسادهم وتصحح واقعنا بس للأسف شجاعتهم مجانت في وقتها.
رحت وشاركت بصوتي لأجل أن أشوف الفرحة ترجع لعيون النازح والفقير وجنت أتمنى اللي قاطع يكون وياي حتى نقضي على الطائفية والمحاصصة والفساد، ونحاول نبحث بالحبر عن الأمل.
بصوتي أبني وأعمل للتغيير مو أكعد وأنتظر المجهول.
بغداد – أسعد زلزلي
