عملي التطوعي ومساعدة الآخرين خلوني أتعرض للكثير من الكلام بسبب نظرة المجتمع للفتاة، لكن دائما أقول لنفسي أنا أفضل وأكثر مما أبدو..
آني علا ناجي طالبة جامعية وعشت بين محافظتين بغداد وحاليا بابل. هدفي أن تكون لي بصمة مميزة عند كل شخص ألتقيه، ومن يتذكرني يبتسم.
أحب أساعد الناس المحتاجين وأرسم الفرحة على وجوههم لذا دخلت بمجال العمل التطوعي، وبديت أحصل على دروس وعبر بكل عمل والأهم أجد فرحتي بهالعمل.
احنة نكدر نكون قادة أنفسنا ومن ثم قادة المجتمع، لأن احنة الي نكدر نسوي ثورة بحياتنا ونأثر على حياتنا ونجاحنا، ومن نتجاوز معتقداتنا وتفكيرنا ندرك مسؤوليتنا مو نرمي المسؤولية عالمجتمع.
عملي التطوعي ومساعدة الآخرين خلوني أتعرض للكثير من الكلام بسبب نظرة المجتمع للفتاة، لكن دائما أقول لنفسي أنا أفضل وأكثر مما أبدو، لذا أنتم هم لا تقفون عند حد ولا تتأثرون بحدود المجتمع. دائما ساعدوا نفسكم حتى تساعدون الآخرين.
بغداد – أسعد زلزلي
