واجهت هواي ظروف صعبة في حياتي متعلقة بنظرة المجتمع التقليدية للمرأة. تحديتها واعتمدت على نفسي ومستسلمت فقط لأني امرأة ولازم أكون ضعيفة..
آني آسيا سلام عمري ٢٣ سنة. واجهت هواي ظروف صعبة في حياتي متعلقة بنظرة المجتمع التقليدية للمرأة. تحديتها واعتمدت على نفسي ومستسلمت فقط لأني امرأة ولازم أكون ضعيفة.
بديت بتعلم الخياطة، وبديت أشتغل تجهيزات وخياطة وأعمال يدوية وتطور شغلي وصار على مستوى العراق. وشاركت بعشرات البازارات وكدرت أحقق ذاتي خطوة خطوة.
وبعدها دخلت مجال العمل التطوعي بدعم ذاتي وأسست فريق سميته نساء حالمات وتوصلت بالنهاية إلى خلاصة لازم تعرفوها:
آني قوية كدرت أوصل للي أتمناه. آني مستمرة رغم كل الصعوبات والعقبات حتى أحقق أحلامي.
لتخلون الضروف تتحكم بيكم.. لا تسمحون لأي انسان يغير توجهاتكم وقناعاتكم.. لازم تكونون بالطريق الصح.. لازم نبدي بالتغيير من داخلنه.
هذي قصتي ودائما أكول إن الخير مينتهي وعراق الخير لسه بخير.
بغداد – أسعد زلزلي
