أمنيتي مثل كل العراقيين أن تتوفر الخدمات، وخاصة الكهرباء والماء النظيف، ويا ريت تتبلط الشوارع لأن تعبنا..
اسمي مروان جواد من مواليد ١٩٩٠، أسكن في العاصمة بغداد متزوج وأب لطفلين.
أشتغل بمحل لبيع المواد الغذائية والمستلزمات المنزلية من وآني صغير مع والدي لأن مكدرت أكمل دراستي عفتها والتهيت بالشغل.
بعد ما تزوجت والدي حاول يساعدني فترك المحل حتى آني أديره وهو فتح محل ثاني لبيع العقارات.
الشغل بالمواد الغذائية والمنزلية بي ربح وخسارة، لأن السلع ممكن تتلف أو محد يشتريها فصاحب المحل يتحمل فلوسها، بس نقول الحمد لله المهم عايشين مستورين.
نتبع بالمحل طريقة البيع بالدين أو بالآجل، لان ناس كثيرة بالمنطقة حالتها المعيشية صعبة وما عدهم لكن هذا يكون حسب التجربة، يعني أكو ناس بالمنطقة يسددون الدين بالوقت المحدد وبمواعيد المضبوطة، وأكو ناس لا متعبة جدا وإذا أخذوا سلعة بالدين ينسون فلوسها وأضطر للاتصال بهم لأكثر من مرة.
أمنيتي مثل كل العراقيين أن تتوفر الخدمات، وخاصة الكهرباء والماء النظيف، ويا ريت تتبلط الشوارع لأن تعبنا من هذي فروعنا تعطل أحدث سيارة إذا تدخلها من الحفريات والمطبات.
بغداد - دعاء يوسف
