رسالتي بالحياة وللشباب خصوصا أبد لتخلون الكسل أمامكم واشتغلوا ولتكعدون بالبيت وتنتظرون الفلوس تجيكم..
اسمي طالب نزر علي من قضاء ديالى. عمري 77 سنة، متزوج وعندي خمسة أولاد. بديت بالمهنة منذ عام ١٩٦٧ وكان محلي بسيط، والعمل في النجارة كان يدوي قبل دخول المكائن. وآني اعتمد على النجارة وما عندي مصدر دخل غيرها.
قبل چانت الحياة أسهل وبسيطة عكس هذا الزمن من ناحية صعوبة الحياة والسرعة. أولادي ورثوا مني هذي المهنة وطوروا نفسهم وعدهم ورشات خاصة بيهم. آني أقدم نجار بهذي المدينة وأحب البساطة والهدوء بشغلي لهذا السبب بقيت بسيط بعملي وأدواتي بسيطة.
رغم عمري الچبير بس ما أكدر أترك هالشغلة ولا أكدر أضل كاعد بالبيت نهائيا وأضل اشتغل لحد آخر يوم بحياتي.
رسالتي بالحياة وللشباب خصوصا أبد لتخلون الكسل أمامكم واشتغلوا ولتكعدون بالبيت وتنتظرون الفلوس تجيكم، لازم انتوا ترحون وتشتغلون تأسسون مشاريعكم الخاصة حتى تعيشوا عيشة كريمة.
مشاركة من صديق ارفع صوتك محمد القيسي
