فترة نزوحنا، كان بيها صالح، لأن عرفنا قيمة الأرض، إللي هي أصلا أرض خير وبركة..
اسمي عدنان صالح علي، ومن سكنة ناحية يثرب، بمحافظة صلاح الدين. عمري 60 سنة، وأعمل مزارعاً.
من دخل داعش علينا، تركنا أراضينا، وهجرناها. نزحت مع الناس اللي هربت من داعش، وعانيت من النزوح، تعبنا لحين ما رب العالمين خلصنا من الإرهاب.
بعد تحرير مناطقنا، رجعنا لأرضنا، ومزارعنا، بس لكيناها، خربانة، مهجورة، بس ما إستسلمنا، شدينا حزام ظهورنا، ورجعّنا الكاع مثل ما كانت وأحسن.
فترة نزوحنا، كان بيها صالح، لأن عرفنا قيمة الأرض، إللي هي أصلا أرض خير وبركة.
ومثل ما تشوفون خلفي، أراضينا حلوه بنهر دجلة وتربته الطيبة تستاهل التضحية .
صلاح الدين ـ هشام الجبوري
