أطمح ان أكون مهندسة حتى أساعد عشيرتي والفقراء من قريتنا ببناء بيوتهم اللي فجرها داعش..
اسمي دنيا رحاب حمدان. عمري 10 سنوات، أسكن ناحية يثرب قرية المزاريع، وهذا بيتنا عبارة عن خيمه بحديقتنا القديمة، لان بيتنا فجره داعش، وأهلي ما عدهم يبنون بيت جديد، كاعدين بالخيمة والله كريم.
من رجعنا من التهجير قبل ثلاث سنوات، شفت بيتنا مفلش، ضجت وحزنت وبجيت هواي، لكن ما منعني ان استمر بدراستي واساعد أمي بالخيمة واداري أخوي جاسم هذا يمي بالقماط.
هذه صديقتي زينب تقرأ معي، وحاليا أني بصف الخامس من التلاميذ الأوائل، وأطمح ان أكون مهندسة حتى أساعد عشيرتي والفقراء من قريتنا ببناء بيوتهم اللي فجرها داعش.
هشام الجبوري - صلاح الدين
