Accessibility links

Breaking News

قصة وصورة

الأربعاء ١٨ يوليه ٢٠١٨

تقويم
٢٠١٨ ٢٠١٧ ٢٠١٦
يناير فبراير مارس أبريل مايو يونيو يوليه أغسطس سبتمبر أكتوبر نوفمبر ديسمبر
يوليه, ٢٠١٨
الأحد الإثنين الثلاثاء الأربعاء الخميس الجمعة السبت
١ ٢ ٣ ٤ ٥ ٦ ٧
٨ ٩ ١٠ ١١ ١٢ ١٣ ١٤
١٥ ١٦ ١٧ ١٨ ١٩ ٢٠ ٢١
٢٢ ٢٣ ٢٤ ٢٥ ٢٦ ٢٧ ٢٨
٢٩ ٣٠ ٣١ ١ ٢ ٣ ٤
كشفية الطبيب أجيب بيها أكل لأبنائي أحسن

فلوس كشفية الطبيب أجيب بيها أكل لأبنائي أحسن، حرامات أربعين أو خمسين ألف دينار عراقي أدفعها واني ما أدري أطيب لو لا.

آني أم حسين، هيفاء جبار، وانفصلت عن زوجي لأن مشاكل كثيرة بينا يوم يشتغل وعشرة عاطل، وهسه قاعده بالعشوائيات غرفة من الجينكو (صفيح)، أدفع ايجارها ١٠٠ ألف دينار عراقي بالشهر.

خليت ابني يشتغل يبيع البنزين، حتى يساعدني بالعيشة والإيجار، ومرات هم يساعدوني أهل زوجي يدزولنا أكل ومرات فلوس بس هما هم حالتهم تعبانة.

عندي خمس أبناء أكبرهم مواليد 2005، والله لا تعليم ولا مدرسة، مخليهم هيجي ندعي الله بلكت ينصلح حالنا ونستقر واسجلهم بالمدرسة.

آني حالتي كلش تعبانة، والله حتى صار بي انزلاق بظهري ولازم أراجع الطبيب كل مدة، بس أكول أبنائي محرومين من كل شيء، فلوس كشفية الطبيب أجيب بيها أكل لأبنائي أحسن، حرامات أربعين أو خمسين ألف دينار عراقي أدفعها واني ما أدري أطيب لو لا.

بغداد- دعاء يوسف.

كشفية الطبيب أجيب بيها أكل لأبنائي أحسن
كشفية الطبيب أجيب بيها أكل لأبنائي أحسن

ما عندي حلم ولا أمنية

ماكو مستقبل وماكو شغل يعني هذي الأوادم تدرس وتتعب وبعدين تروح تتطوع بالجيش أو يشتغلون عمالة بناء..

آني عباس علي، وعمري (١٦) سنة. أبيع اللبن صارلي ثلاث سنوات هنا على هذا الرصيف للسواق والمارة بالشارع من الناس.

واحد نعرفه من أبو غريب يومية يجيبلي الروبة يجهز باعة اللبن بكميات منها، واني اشتغلها لبن مطروك. أخلي عليها ليمون وأعرضها للبيع بهذي العربانة، الناس تشتريها إما بكاسات أو كلاصلات أو بطالة أو بأكياس، يعني حسب حاجتهم.

اللي احصله من بيع اللبن مو سوه مرات زين ومرات لا والله مو زين، بس عموماً آني أحصل باليوم ١٥ ألف دينار عراقي، انطيهن لأبويه، لأن هو رجال كبير وميكدر يشتغل، وأمي همين صحتها مو كلش، وما عدنا أحد يصرف عليهم ويعيشهم بس آني.

آني بطلت من المدرسة من وره الشغل لآن ما عدني مصرف، وما أفكر أرجع أكمل الدراسة، لأن أتعب نفسي وأصرف بالبلاش. ماكو مستقبل وماكو شغل يعني هذي الأوادم تدرس وتتعب وبعدين تروح تتطوع بالجيش أو يشتغلون عمالة بناء.

الصدوك آني ما عندي حلم ولا أمنية، يعني كل همي هاي صار ثلاثة سنوات أجي أبيع اللبن حتى أوفر مصروف البيت حالي حال هواية من الولد يبيعون لبن مثلي بالشوارع.

بغداد – دعاء يوسف

ما عندي حلم ولا أمنية
ما عندي حلم ولا أمنية

المزيد

XS
SM
MD
LG